點解選擇嚟到京都呢間學校讀書？
本身我喺香港就係讀日文嘅high dip，但係我讀完之後覺得有啲浪費，因為根本就冇實踐機會，加上覺得香港實在太無聊都好想體驗吓新嘅生活，所以就諗住不如留學啦！當時各種搵資料覺得關西地區嘅學校比較好，而呢間學校當時搵嘅時候見到佢有好多唔同嘅交流活動，所以我就揀咗呢間學校。
學習體驗
我喺呢間學校已經讀咗一年，依家喺中級3嘅Level，平日嚟講，星期一到五都要上上晝堂，每逢星期二就會連埋有下晝堂會有演習活動，所謂嘅演習活動主要就係想學生喺課堂上多啲與同班同學多啲交流，以及去訓練自己嘅發表能力，所以呢個課堂就會有分個人presentation同埋group
presentation,我覺得呢個課堂都幾有趣，雖然presentation嘅準備功夫有啲繁瑣比較煩惱，但係當聽到其他同學嘅發表結果，我都覺得幾得意幾surprise,頭兩個學期我都係咁樣覺得👍🏻👍🏻😌😌同同班同學合作得都唔錯，對於我嚟講我就識咗好多泰國朋友，成年都玩得幾開心！
我仲報名參加過學校嘅料理workshop，呢個活動就係你會同日本人同埋其他國家嘅人分為一個小組，彼此做一道自己國家嘅料理互相share交流，最後大家返學校做一個簡單嘅presentation，不過呢個活動唔係喺學校實踐自己諗地方解決，當時我哋係去咗自己某個組員嘅屋企去做料理，我就整蒸水蛋，台灣朋友整餃子，法國朋友整pancake，日本朋友係整章魚燒，最後整出嚟嘅成果都非常之好，好好食！過程中大家真係邊做邊交流，雖然過程時間有啲長，不過因為日本人喺度學咗好多新詞彙同埋對日本有好奇嘅地方或者文化都可以借呢個機會去問，嗰日大家都傾得幾開心😃幾推薦！
整體嚟講呢間學校相對嚟講比較嚴謹少少，但係勝在佢會有好多活動去俾你去選擇參加增進你嘅日文，此外仲有好多社團活動，如太鼓、舞團、雜耍等，有興趣嘅朋友可以根據自己嘅需要參加，純粹交朋友呢間學校都可以，純粹想學習間學校嘅教學方式我又覺得唔錯(睇老師🤣不過大多數日文老师都幾有趣，堂上有互動)，歡迎大家嚟加入！
我覺得呢一段嘅留學生活對我嚟講係非常之值得，因為真係改變咗我好多身體上同心理上嘅狀態，之前嘅生活比較無聊，返工又死氣沉沉想出去，但係又唔知道去邊度嚟嚟去去都係嗰幾笪地方，但係嚟咗日本之後心境上嚟咗個大轉變，人開朗咗好多，鍾意咗出門化妝影相鍾意同人交流，成個人嘅狀態總之就係大upgrade，少咗煩惱，煩惱嘅時候就出去散散步呼吸吓新鮮空氣(講真日本空氣真係好好多🤣)同埋去吓旅行，旅行仲有折扣，正！👍🏻
我覺得呢一段嘅留學生活對我嚟講係非常之值得，因為真係改變咗我好多身體上同心理上嘅狀態，之前嘅生活比較無聊，返工又死氣沉沉想出去，但係又唔知道去邊度嚟嚟去去都係嗰幾笪地方，但係嚟咗日本之後心境上嚟咗個大轉變，人開朗咗好多，鍾意咗出門化妝影相鍾意同人交流，成個人嘅狀態總之就係大upgrade，少咗煩惱，煩惱嘅時候就出去散散步呼吸吓新鮮空氣(講真日本空氣真係好好多🤣)同埋去吓旅行，旅行仲有折扣，正！👍🏻
0 件のコメント:
コメントを投稿